串燒小店蘇波榮，進駐油麻地德昌里的街角，眨眼已經一周年。經歷打風落雹、租金人手加食環，樣樣濕滯。開心是食客讚好番轉頭，街坊坐埋、飲杯交個朋友，甚至一齊打番四圈、睇戲直落。街角不只是街角，生意也不只是生意。

行到今日，多左德昌里素食合作社、及活化星期日兩班朋友加入，幫手交租之餘，又可落廚過下手癮。大家因油麻地而結聚，嘗試從經濟層面投入社區之餘，更希望在日常中建立共同的社區生活。三班人馬背景各異，合作是一大關鍵詞，由廚房擺位清潔、入貨菜單，到開舖頂更，盡量希望有傾有講。短短數月，溝通未最完善，只是實驗的開始。未來希望試開埋早餐，午、晚、宵夜都再多D新意。續約在即，需要大家繼續支持，更重要是來感受這街角，一齊想像更多可能。

www.facebook.com/wearesoboring