"Quen tivo que pagar tamén durante moito tempo, foi a veciñanza de Berdoias. Mesmo vivían até non hai moitos anos en casas que non eran súas! A familia fidalga Lema era a propietaria das terras. O máis coñecido deles foi Alonso, que en 1607 mudouse para unha nova casa. E non deixou de construír, xa que mandou facer unha nova igrexa parroquial no lugar, abandonando a que había na Grixoa. Unha veciña berra contra o fidalgo, e Alonso saca a cabeza fóra a ver que pasa. Había que ter coidado, porque el era o vixía da Inquisición na nosa terra."
Berdoias, 1610 (hai 400 anos).
Texto: Manuel Rial.
Ilustración para “Unha historia de Vimianzo”.