The flood 

دول عايروني وقالوا لي يا اسمر اللون يا لالي

 

فيلمنا النهاردة بيتكلم عن الظلم اللي بيتعرض له فئة من اصحاب البشرة السمرا

واللي بيأدي لموت وتعذيب وهروب ناس كتير

وكمان بينتج عنه اشكال عنيفة جدا من الانتقام

 

ما هو ذي ما انتم واحنا عارفين كده ان الظلم حصان اسود بيدوس على الكل

 

ومن الناس اللي داس عليها الحصان الاسود عيلة جارا وزوجها وارو وبنتهم بيندا

اللي اتفرقوا عن بعض وخدوا البنت من حضن باباها وماماتها وبدأوا يشغلوها هما 

وكمان يشغلوا مامتها

 

بس وارو رجع وعرف مكان بنته وهو بيهرب بيها هيتصدم بولد من اولاد الراجل اللي بسببه الظلم ده موجود

وهيجي حد يدافع عن وارو وهيقتل ابن الراجل ده

 

وهينجح وارو انه ياخد بيندا بنته ويهرب بيها 

 

هياخدها وراو لمكان بعيد في وسط ناس منهم واحد كبير كان بيشيل بيندا من وهي صغيرة

وهيطمن وارو على بنته وهي في وسطهم

 

بس الراجل الكبير اللي ابنه مات مش هيسكت وهيقرر انه ينتقم لابنه فهيطلب منهم انهم يجيبوا مجموعة من البلطجية تجيب له وارو في شوال وبردو لغاية ما يجيبوه هو هيسجن مراته وهيعذبها لغاية ما تأر وتعترف

 

وفعلا هيجيبوا جارا ويسجنوها وهتتعرض جارا لاغتصاب جماعي ولاقصى انواع الاساءة الجسمانية والنفسية

لغاية ما ممرضة هناك هيصعب عليها حال جارا وهتقرر انها تساعدها وهتسرق لها مفتاح السجن اصل الست دي شغالة مع الناس دول ممرضة وبالليل بتصب لهم خمره في بار قريب من السجن

وهتنجح فعلا انها تسرق لها المفتاح وتديه ليها

 

بس للاسف في الوقت ده هيكون مجموعة البلطجية عرفوا بمكان وارو وبيندا

وهيهجموا على المكان ويحاصروه ويهددوا وارو انهم هيقتلوا الناس البريئة دي لو فضل يقاومهم 

فهيخرج لهم وارو وبردو هيقتلوا قصاده واحد واحد من الناس ماعدا بنته بيندا 

هينهار وارو فهيمسكوه ويعملوا له مشنقه على شجره

 

بس قبل ما يتخنق هتكون هربت جارا وعرفت مكانهم وضربت الحبل بالنار فهيقع وهتنقذ جوزها

بس واحد من العصابة هيمسك بنتها وهيهددها لو فضلت تضرب نار هيموتوا لها بنتها

فبردو علشان خاطر بنتها هتحط سلاحها في الارض وهتحضن جوزها ويفضلوا يعيطوا على الارض

اصل كان بقى لهم فترة مشافوش بعض

بس اللي كان ماسك بنتهم بكل برود هيقولها عايزة تروحي لهم يا حبيبتي

هتهز البنت راسها وتقوله ايوة

فهيقولها تمام روحي

وقبل ما توصل بيندا لابوها وامها هيضربها بالنار

وهنا هنلاقي وارو وجارا اتصدموا وتفضل جارا تصرخ فبيسيبوا البنت واقعة على الارض وبياخدوا جاارا ووارو علشان يكملوا تسلية عليهم

 

ويرجعوهم تاني للسجن ويفضلوا يستفزوا في وارو ويعرفوه انهم اغتصبوا مراته وبيفصل يصرخ وارو جوه السجن لغاية ما يغمى عليه

 

وبنلاقي وارو مدت ايديها تحت السرير عند الملل (ملل السرير)

واتاريها كانت شايلة مفتاح الزنزانه الاروبة وفوقت وارو وفتحت الزنزانة وقررت انها تنتقم

وتقتلهم كلهم على اللي عملوه فيها وفيه وفي بنتهم اللي ملهاش ذنب

 

وفعلا بتاخد مسدس وتروح لهم البار اللي شغاله فيه الممرضة اللي اصلا ساعدتها قبل كده

 

وبتقتلهم كلهم وبعدها بتقف قصاد جثثهم وتنهار وتفضل تصرخ

 

وبياخدها وارو وبيهربوا تاني لغاية ما بيوصلوا لولد من ولاد الراجل الكبير الظالم اياه واللي ياما ظلمهم

وبيقرروا يتخلصوا منه هو كمان

ويبدأ كذا حد من السمر اللي هربانين يتجمعوا مع بعض

وبعد تعذيب ابن الراجل بيكتشفوا انه من جواه عايز يبقى حد كويس وانه هيساعدهم 

بس بردو مش هيدوا له الامان اوي

 

وخلال ما كل ده بيحصل واحدة من السمر اللي هربانين من ظلم الراجل ده واولاده هتلاقي بيندا وهتلاقيها لسه بتتنفس

فهيروحوا للممرضة اللي فعلا بتنجح انها تنقذ بنتهم بيندا

 

بس ابوهم الراجل الكبير الظالم ده بيعرف مكانها وبيروح يجيبها ويساوم عليها

 

وبنلاقيه اخد الممرضة وبيندا ووصلوا لوارو وجارا 

وبتشوف جارا بنتها قصادها تاني فبتتصدم وبتخاف لتروح منها تاني

بس بنلاقي ابن الراجل هو اللي وقف لباباها

وبيضربوا نار على بعض فبيموت الراجل الكبير وابنه وبتموت الممرضة وهي بتحاول تهرب ببيندا بعيد

 

وبيجري وارو وجارا على بنتهم

بعد ما خلصوا من الظلم ولاول مرة من مدة طويلة اوي بيتجمعوا تاني مع بعض

 

وبيخلص الفيلم على مشهد رايق جدا لجارا وهي لابسة فستان ابيض وهي حامل و وارو وبيندا بيجروا على الشاطئ

 

 

ودي كانت "حبكة فيلم" النهاردة كانت معاكم ايمان نافع ..  ومتنسوش تعملو لايك وشير وكومنت للفيديو علشان تقولوا لنا فيه رأيكم في فيلم النهاردة وحابين نتكلم في افلام ايه في الفيديوهات اللي جايهواستنونا في حبكة جديدة

 

 

سلام